युनिकोड
गाजा क्षेत्रको जबालिया शरणार्थी क्याम्पमा गएरातिदेखि कम्तीमा ५० जना सर्वसाधारण पुरिएको समाचार आएको छ।
समाचार अनुसार गयराति इजरायली सेनाल हवाई हमला गरेको उक्त क्षेत्रमा कम्तीमा तीन परिवारका सदस्य बस्थे।
हमासको स्वास्थ्य मन्त्रालय र स्थानीय पत्रकारको रिपोर्टअनुसार हमलामा कम्तीमा ११० जना मारिएका थिए भने ५० भन्दा धेरै अहिले पनि भग्नवाशेषमा पुरिएका छन्।
त्यहाँ रहेका एकजना पत्रकारले बीबीसीलाई बताएअनुसार प्यालेस्टाइन सिभिल डिफेन्सका प्रतिनिधि घटनास्थलसम्म पुग्न सकेका छैनन्। यस्तोमा त्यहीँ रहेका अन्य मानिसले भग्नवाशेषमा फसेकालाई सहयोग गरिरहेका छन्।
इजरायली सेनाले बितेका दुई सातादेखि जबालियालाई निशाना बनाइरहेको छ। त्यहाँ सेनाको ट्यांकरलले शरणार्थी शिविरलाई चारै दिशाबाट घेरिरहेको छ।
गयरातिदेखि यहाँ हवाई हमला तीव्र भएको छ। त्यहाँ रहेका पत्रकारहरूले कयौँ महिला र बालबालिकाको शव देखेको बताएका छन्। उनीहरूको मृत्यु इजरायली हमलाबाट भएको अन्तर्राष्ट्रिय सञ्चारमाध्यमले जनाएका छन्।
प्रतिक्रिया