युनिकोड
आगरानजिक भारतीय रेलवेको पातालकोट एक्सप्रेसका दुईवटा बोगीमा आगलागी भएको छ।
आगराका प्रहरी अधिकारीका अनुसार यस दुर्घटनामा दुई जना जलेर घाइते भएका छन्। उनीहरूको उपचार भइरहेको छ। यो ट्रेन पन्जाबको फिरोजपुर र मध्य प्रदेशको सिओनी बीच चल्छ।
आगरा र ढोलपुर स्टेसनबीच आगलागी भएको थियो।
आगराका डीसीपी पश्चिमले भने, ‘पातालकोट एक्सप्रेसका दुईवटा बोगीमा आगो लागेको सूचना आज प्राप्त भएको छ। तत्कालै त्यहाँ प्रहरी टोली पठाइएको थियो र आगो निभाउन पाँचवटा दमकल खटाइएको थियो।’
उनले भने, ‘सबै यात्रुलाई सकुशल निकालिएको छ। दुई जना यात्रु घाइते भएका छन् र अस्पताल लगिएको छ।’
आगलागीको कारणबारे अनुसन्धान भइरहेको डीएसपीले बताए। अनुसन्धानका लागि फरेन्सिक टोली पनि पठाइएको छ।
आगरा प्रहरीले आगलागी भएको बोगीको भिडिओ पनि सार्वजनिक गरेको छ।
हेर्नुहोस्-
— POLICE COMMISSIONERATE AGRA (@agrapolice) October 25, 2023
प्रतिक्रिया