युनिकोड
हमासको आक्रमणमा परी मृत्यु हुने इजरायलीहरुको संख्या एक सय नाघेको छ।
इजरायलको स्वास्थ्य मन्त्रालयले स्थानीय सञ्चारमाध्यमलाई दिएको जानकारीअनुसार मृतकको संख्या १०० पुगेको हो।
त्यस्तै ९ सय ८५ घाइतेको अस्पतालमा उपचार भइरहेको जानकारी दिइएको छ।
जसमध्ये दर्जनौँ गम्भीर घाइते छन्। इजरायलमा रहेका ९ जना नेपाली पनि घाइते भएको नेपाल सरकारले जानकारी दिएको छ।
कतिपय स्थानमा लडाइँ जारी रहेको र कयौँ इजरायली हमास लडाकुको बन्धक भएकाले मृतक र घाइतेको संख्या बढ्न सक्ने बताइएको छ।
जवाफमा इजरायली सेनाले सुरु गरेको हवाई आक्रमणमा करिब २ सय प्यालेस्टाइनीको ज्यान गएको जनाइएको छ। गाजामाथि हवाई आक्रमण जारी छ।
इजरायली प्रधानमन्त्री बेन्यामिन नेतन्याहुले मुलुक युद्धमा रहेको बताएका छन्। एजेन्सी
प्रतिक्रिया