मेक्सिकोमा बस खस्दा १८ जनाको मृत्यु

मेक्सिकोमा बस १३१ फिट गहिरो खाडलमा खस्दा १८ जनाको मृत्यु भएको छ। यो दुर्घटना बिहीबार न्यारितमा भएको हो। 

समाचार एजेन्सी रोयटर्सका अनुसार बसमा जम्मा ४२ जना यात्रु थिए। बसमा भारत र अफ्रिकी देशका नागरिक पनि थिए।

बसमा अधिकांश यात्रु विदेशी रहेको र केही अमेरिकी सीमातर्फ गइरहेको अधिकारीहरूले बताएका छन्।

बस चालकलाई प्रहरीले नियन्त्रणमा लिएको छ। चालकले तीव्र गतिमा बस चलाएको प्रहरीको अनुमान छ।

रोयटर्सको भिडिओमा एम्बुलेन्स घटनास्थल पुगेको र उद्धार कार्य जारी रहेको देख्न सकिन्छ ।