पश्चिमी युगान्डामा पहिरोले ६ वटा गाउँ ध्वस्त

युगान्डाको पश्चिमी जिल्ला कासेसेमा पहिरोले ६ वटा गाउँ भत्किएको युगान्डा रेड क्रस सोसाइटी (युआरसीएस)ले मङ्गलबार जनाएको छ।

हिमाली जिल्लामा अविरल वर्षाका कारण २६ वटा घर पूर्णरुपमा भत्किएको र २०० घर अझै जोखिममा रहेको राहत एजेन्सीले जनाएको छ।  

एजेन्सीले विज्ञप्ति जारी गर्दै पानी, सरसफाई, आश्रय र संरक्षणमा रहेको खाडलमा विशेष ध्यान दिन आग्रह गरेको छ।

विज्ञप्ति अनुसार जिल्ला विपद् व्यवस्थापन समितिले युआरसीएससँग मिलेर काम गरिरहेको  र समस्यालाई सम्बोधन गर्न आग्रह गरेको छ।

सोमबार सोही जिल्लामा माटोको ढिस्कोले पुरिएर चार वर्षीय बालकको मृत्यु भएको र दुई जना घाइते भएको एक दिनपछि यो दुःखद घटना भएको हो। (रासस÷सिन्ह्वा)