युनिकोड
नेपाली कांग्रेसका सभापति गगन थापा र उपसभापति विश्वप्रकाश शर्मा फागुन १५ गते पोखरा आउने भएका छन्।
नेपाली कांग्रेस कास्कीले यहाँको अमरसिंह चोकमा आयोजना गर्ने चुनावी सभालाई सम्बोधन गर्न सभापति र उपसभापति पोखरा आउन लागेका हुन्।
कास्की कांग्रेसका सभापति किशोरदत्त बरालले बुधबार आयोजित पत्रकार सम्मेलनमा बताए अनुसार सो सभामार्फत् कास्केली र गण्डकीबासीलाई बदलिएको कांग्रेसका धारणाबारे जानकारी दिँदै आफ्ना उम्मेदवारको पक्षमा मत मागिने छ।
गण्डकीको राजधानी र २०३६ सालमै बहुदलको पक्षमा मतदान गरेको ठाउँ भएकाले पोखरामै आमसभा गर्न लागिएको पनि उनले बताए। गगन र विश्वप्रकाशले यसअघि जनकपुरमा एउटै मञ्चबाट सम्बोधन गरेका थिए।
चुनावी आमसभामा कास्कीका तीनवटै क्षेत्रका वडादेखि नै कार्यकर्ता र शुभेच्छुकहरु आउने तथा छिमेकी जिल्लाबाट पनि केही शुभेच्छुकहरू आउने अनुमान गरिएको आमसभाका संयोजक तथा कांग्रेस महाधिवेशन प्रतिनिधि दीपक गुरुङ ‘माइला’ले बताए।
प्रतिक्रिया