युनिकोड
यसबीचमा ८५ वर्षकी चिनियाँ वृद्धा हुवाङ ग्वकीले अस्पतालमा रहेका अफ्ना श्रीमानलाई भेट्न पाइनन्।
चीनका अन्य शहरजस्तै हाङझाउ शहर पनि लकडाउने ठप्प थियो। सबै मानिसहरुलाई घरमै बस्न भनिएको थियो।
सोही शहरकी हुवाङले लकडाउनको समयमा श्रीमानलाई भेट्न नपाएपछि प्रेमपत्रमार्फत संचार गरिन्।
९० वर्षका श्रीमान सन स्वासप्रस्वासका बिरामी हुन्। उनलाई गत वर्षदेखि अस्पताल भर्ना गरिएको छ। कोरोनाको संक्रमण भने उनलाई भएको छैन।
यसअघि हुवाङ पनि बिरामी थिइन्। उनलाई पनि श्रीमान भर्ना भएको अस्पताल नै भर्ना गरिएको थियो। तर स्वस्थ भएपछि उनी घर फर्किइन्। श्रीमान अझै अस्पतालमै छन्।
हुवाङ श्रीमान सन भेट्न सँधै अस्पताल जान्थिन्। तर लकडाउनपछि उनी अस्पताल जान पाइनन्।
यो ५५ दिनको अवधिमा हुवाङले श्रीमान सनलाई ४५ वटा प्रेमपत्र लेखिन्। जसले अस्पतालका डाक्टर र नर्सहरु नै चकित बने।
हुवाङको एक पत्रमा लेखिएको छ,‘प्रिय श्रीमान म सन्चै छु। मेरो चिन्ता नगर्नु। हाम्रो छोराहरु र नातिहरु घरमै सबै सन्चैछन्। नर्सले भनेको कुराहरु राम्रोसँग मान्नु, चाँडै निको हुन उनीहरुलाई सहयोग गर्नु। अनि हामी चाँडै फेरि एक हुनेछौं।’
श्रीमान सनले पनि पत्रमार्फत नै आफ्नी श्रीमानी हुवाङलाई आफू स्वस्थ भएको खबर लेख्ने गरेको जनाइएको छ।
हुवाङले पत्रसँगै श्रीमानका लागि किबी फल पठाउँथिन्। यतिबेला फेरि उनीहरु एक भएका छन्। आफूहरु एकअर्कालाई असाध्यै माया गर्ने दुवै बताउँछन्। एजेन्सी
प्रतिक्रिया