युनिकोड
अमेरिकी राष्ट्रपति डोनाल्ड ट्रम्पले उत्तर कोरियामा पाइला टेक्न अनुमति मागेका छन्।
आफूले उत्तर कोरियाली नेता किम जोङ उनलाई उनको देशको भूमिमा पाइला टेक्न अनुमति मागेको आइतबार पत्रकार सम्मेलनमा बताएका हुन्।
आइतबार किम र ट्रम्पबीच कोरियाली सीमा क्षेत्रमा भएको महत्वपूर्ण छलफल अगाडि ट्रम्पले उत्तर कोरियाली भूमिमा पाइला टेकेका थिए।
सीएनएनका अनुसार ट्रम्पले उत्तरको भूमिमा २० पाइला चालेका थिए। राष्ट्रपति पदमा बहाल रहँदै उत्तरको भूमिमा पाइला टेक्ने ट्रम्प पहिलो अमेरिकी राष्ट्रपति भएको जनाइएको छ।
उत्तरको सीमामा पाइला टेक्न अगाडि ट्रम्पले किमलाई भनेका थिए,‘के म तपाइँको देशको सिमा पार गर्नसक्छु?
किमले उत्तरमा भने,‘मैले आफूलाई सम्मानित भएको महशुस गर्नेछु।’ त्यसपछि दुवैले उत्तर कोरियातर्फ पाइला चालेका थिए।
भिडियो
प्रतिक्रिया