रोचक


चोरेर लगेको विमान उडाउँदै वालमार्टमा खसालिदिने धम्की दिएपछि...

चोरेर लगेको विमान उडाउँदै वालमार्टमा खसालिदिने धम्की दिएपछि...

नेपालखबर
भदौ १९ , काठमाडौँ

अमेरिकाको मिसिसिपीमा सानो हवाई जहाज चोरेर त्यसलाई वालमार्टको एउटा शाखामा खसालिदिने धम्की दिने एक व्यक्ति पक्राउ परेका छन्। उनलाई विमान चोरी तथा आतंक फैलाउने क्रियाकलाप गरेको आरोपमा पक्राउ गरी प्रहरीले अनुसन्धान गरिरहेको छ। 

बीबीसीका अनुसार कोरी वायन पाटर्सन नाम गरेका व्यक्तिले विमान चोरेर उडाएका थिए। पाटर्सनले बीचक्राफ्ट किङ एयर ट्वीट इन्जिनको विमान स्थानीय समयअनुसार शनिबार बिहान ५ बजे लिएर गएका थिए। यो विमानमा १० देखि ११ जना मानिस अटाउँछन्। विमान आफ्नो नियन्त्रणमा लिएपछि उनले प्रहरीलाई फोन गरेर आफूले वालमार्टको शाखामा प्लेन खसाल्न लागेको बताए। प्रहरीलाई यस्तो धम्की आएसँगै वालमार्टको पसल खाली गरिएको थियो र वरपरका मानिसहरुलाई त्यहाँबाट सारिएको थियो।

पाटर्सनसँग पाइलटको लाइसेन्स नभएको तर उनी एयरपोर्टमा नै काम गर्ने मानिस भएकाले उनलाई विमान उडाउने तरिका भने थाहा भएको हुन सक्ने प्रहरीको भनाइ छ। 

पाटर्सनले घण्टौंसम्म विमानलाई मिसिसिपीको खेतमाथि घुमाएका थिए। स्थानीय डब्ल्यूटीभीए च्यानलले गरेको प्रत्यक्ष प्रसारणमा पनि उक्त विमान खेतमाथि घुमिरहेको देख्न सकिन्छ। 

स्थानीय प्रहरी प्रमुख जोन क्वाकाका अनुसार वार्ताकारहरुले पाटर्सनसँग वार्ता गरेर उनलाई विमानस्थलमा विमान ल्याण्ड गराउन मनाएका थिए। यद्यपि उनीहरुको बीचमा के वार्ता भयो भन्ने जानकारी भने दिइएको छैन।

विमान ल्याण्ड भएसँगै पाटर्सनलाई प्रहरीले हिरासतमा लिएको थियो। अहिले उनीमाथि अनुसन्धान चलिरहेको प्रहरीले बताएको छ। 

भदौ १९, २०७९, आइतबार

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 4240505 / 4241389
Admin:[email protected]
News:[email protected]

विज्ञापनका लागि सम्पर्क

+977 9851081116
[email protected]

जीवन बस्नेत
कार्यकारी निर्देशक
पिनाकी राय
बिजनेश एड्भाइजर
सविन पोखरेल
लेखा तथा प्रशासन प्रमुख
सुरेन्द्र रिजाल
निर्देशक, अटो संस्करण
ललिता तामाङ
कार्यालय सहयोगी

नेपालखबर टीम


विशेष संवाददाता
सागर न्यौपाने

उप–सम्पादक
खगेन्द्र गिरी
नवराज रेग्मी
रूपबहादुर विश्वकर्मा
विद्यानाथ अधिकारी
चिरञ्जीवी आचार्य

ग्लोबल अफेयर्स संयोजक
सन्तोष घिमिरे

समाचार संयोजक
ज्ञानेन्द्र खड्का

निर्वाचन सम्पादक
जेवी पुन मगर

म्यागेजिन सम्पादक
सीताराम बराल

प्रधान सम्पादक
पूर्ण बस्नेत
Copyright © 2021 Nepalkhabar. All Rights Reserved. Designed byCurves n' Colors. Powered by.
ad ad