युनिकोड
नेपालमा पहिलोपटक औपचारिक रुपमा पटकथा संग्रहालयको सुरुवात भएको छ। चलचित्र विकास बोर्डमा बुधबार आयोजित कार्यक्रमबीच सञ्चार तथा सूचना प्रविधिमन्त्री पृथ्वी सुब्बा गुरुङले संग्रहालयको शुभारम्भ गरेका हुन्।
जहाँ ७ जना फिल्म लेखक तथा निर्माताले मन्त्री गुरुङलाई पटकथा हस्तान्तरण गरे। ‘कबड्डी ४’ का निर्माता रामबाबु गुरुङ, ‘छक्कापञ्जा ५’ निर्देशक दीपाश्री निरौला, ‘बोक्सीको घर’ की निर्मात्री केकी अधिकारी, ‘अन्तराल’ निर्देशक दीपा बस्नेत, ‘नाङ्गो गाउँ’ निर्देशक दीपेन्द्र लामा, ‘चिसो मान्छे’ निर्देशक दीपेन्द्र के खनाल र ‘दुई नम्बरी’ फिल्मका निर्माता किरण नेपालीले स्क्रिप्ट बुझाए।
जुन स्क्रिप्टलाई मन्त्री गुरुङले चलचित्र विकास बोर्डका अध्यक्ष दिनेश डीसीलाई प्रदान गरेका थिए। प्राप्त पटकथालाई डिजिटल अभिलेखको रुपमा राखिने अध्यक्ष डीसीको भनाइ छ।
प्रतिक्रिया