युनिकोड
नेपाली सिनेमाका कलरिस्ट जुनिम गहतराजको डेब्यु निर्देशन रहेको फिल्म 'ताण्डवम्'को प्रदर्शन मिति तय भएको छ। यो फिल्म भ्यालेन्टाइन डे अर्थात् फागुन २ गतेलाई रिलिज हुनेछ।
गत वर्ष माघमा छायांकन गरिएको फिल्मको हाल पोस्ट प्रोडक्सन चलिरहेको छ। यही सिनेमाबाट कलरिस्ट जुनिमले अभिनय र निर्देशनमा डेब्यु गरेका हुन्।
सिनेमामा उनको जोडी डेब्यु अभिनेत्री सरिना मगरसँग बाँधिएको छ। सिनेमामा जुनिम र सरिनासँगै अंकित खड्का, पुस्कर गुरुङ, प्रेम सुब्बा, अनोज पाण्डेलगायत कलाकारको अभिनय छ।
सिंहदेवी प्रोडक्सनको ब्यानरमा निर्माण भएको सिनेमाका निर्माता धनकुमारी गहतराज, सविना मगर र मनिष गौतम हुन्। घले लामाले खिचेको सिनेमामा सम्राट बस्नेतको एक्सन निर्देशन छ। सिनेमाको कथा,पटकथा तथा संवाद अनिरुद्ध आत्रेय र हुसेनले लेखेका हुन्।
जुनिमले 'पानीफोटो', 'पशुपति प्रसाद २ : भष्मेडन', 'खुस्मा', 'चिसो मान्छे' र 'परस्त्री'लगायतका दर्जन बढी सिनेमामा कलरिस्टका रूपमा काम गरिसकेका छन्।
प्रतिक्रिया