युनिकोड
फिल्म ‘नरसिंहाः अवतार’ मा मोडल सनिशा भट्टराई अनुबन्धित भएकी छिन्। दिवाकर भट्टराई निर्देशन गर्न लागेको फिल्ममा उनी मुख्य भूमिकामा लागि सम्झौता भएको हो।
यसको निर्माणपक्षले फिल्मका लागि अहिलेसम्म तीन जना मुख्य पात्रहरु फाइनल गरेको हो। यो फिल्मको शीर्षमध्ये एक भूमिकामा भट्टराई अनुबन्धित भएकी हुन्।।
निर्माणपक्षले यो फिल्ममा सनिशाको कस्तो भूमिका छ भन्ने बिषयमा भने केही पनि खुलाइएको छैन।
आफूले निर्वाह गर्ने भूमिका र यो फिल्मलाई लिएर आफू उत्साहित रहेको सनिशाले बताइन्। सनिशाको यो दोस्रो फिल्म हो। उनको डेब्यू फिल्म ‘१२ गाउँ’ फूलपातीमा रिलिज हुँदैछ।
एक्सन तथा सोसल ड्रामामा बन्ने ‘नरसिंहाः अवतार’ मा कलाकारहरुको लाइनअप बन्दै गएको छ। यसै फिल्मबाट ८ वर्षपछि महानायक राजेश हमाल कमक्याक गर्दैछन्।
साथै फिल्ममा निती शाह पनि अनुबन्धित भइसकेकी छिन्।
क्रिएटिभ सिने आर्टको प्रस्तुति रहने फिल्म यही भदौबाट छायाङ्कनमा जाने तयारीमा रहेको छ। फिल्मको लगानी तीन करोडभन्दा माथि हुने बताइएको छ।
प्रतिक्रिया