युनिकोड
थापागाउँस्थित मण्डला थिएटरमा नाटक ‘पगला घोडा’ मञ्चन हुने भएको छ। थिएटर आकारको प्रस्तुति रहेको यो नाटक पुस १२ गतेबाट मञ्चन हुनेछ।
नाटकलाई शिव खाँड ठकुरीले नेपालीमा अनुवाद गरेका हुन्। उनलाई अनुवादमा आलेख सुपरिवेक्षकको रुपमा कलाकार तथा निर्देशक आशान्त शर्माले सहयोग गरेका छन्। सोमबारबाहेक हरेका साँझ ५ बजे मञ्चन हुने नाटक माघ ६ गतेसम्म चल्नेछ।
घनश्याम श्रेष्ठको निर्देशन रहेको नाटकमा प्रमोद अग्रहरी, मलिका महत, आशान्त शर्मा, विजय ताम्राकार, बिम्ब अधिकारी लगायतको अभिनय छ। यसै नाटकमार्फत मलिकाले नाटकमा डेब्यू गरेकी हुन्।
पछिल्लो समय विभिन्न कारणले युवा वर्गमा आत्महत्या गर्नेको सङ्ख्यामा वृद्धि भइरहेको छ। यस संवेदनशील विषयवस्तुलाई दर्शक माझ कला मार्फत सम्बोधन गर्न र यस अवस्थाको बारेमा मानिसहरूलाई सचेत गराउन यस नाटकको परिकल्पना गरिएको निर्देशक श्रेष्ठ बत्ताउँछन्।
२०६८ सालमा स्थापना भएको थिएटर आकारले थुप्रै नाटकहरू मञ्चन गरिसकेको छ।
प्रतिक्रिया