तोलामा ५ सय रुपैयाँ सस्तियो सुन

सुनको मूल्य सोमबार घटेको छ। 

नेपाल सुनचाँदी व्यवसायी महासंघका अनुसार छापावाल सुन १ लाख १७ हजार रुपैयाँ प्रतितोलामा कारोबार भएको हो। 

अघिल्लो दिन १ लाख १७ हजार ५ सय रुपैयाँमा कारोबार भएको थियो। त्यसैगरी आज तेजाबी सुन १ लाख १६ हजार ४ सय ५० रुपैयाँमा कारोबार भएको छ। अघिल्लो दिन यो सुन १ लाख १६ हजार ९ सय ५० रुपैयाँमा कारोबार भएको थियो। 

यता चाँदीको मूल्य पनि घटेको महासंघले जनाएको छ। तोलामा १५ रुपैयाँ घटेपछि आज चाँदी १ हजार ४ सय १० रुपैयाँमा कारोबार भएको हो।