युनिकोड
सीजी इलेक्ट्रोनिक्सअन्तर्गतको ब्ल्याक+डेकर ब्रान्डले जुस एक्स्ट्र्याक्टर र ब्लेन्डरहरू बजारमा ल्याएको छ।
ग्राहकको दैनिक आवश्यकतालाई सहज र छिटो बनाउन ब्ल्याक+डेकरले यी प्रिमियम उपकरणहरू डिजाइन गरेको जनाइएको छ।
यी उपकरणबाट समयको बचत र सहज जुस तयार गर्न सकिने कम्पनीले जनाएको छ। यस प्रिमियम जुसरमा ८०० वाटको शक्तिशाली मोटर जडान गरिएको छ। यसमा रहेको ७५ एमएमको ठूलो फिडिङ ट्युबले गर्दा फलफूललाई स-साना टुक्रा नपारी सिङ्गै राखेर जुस निकाल्न मिल्छ, जसले भान्साको काम निकै छिटो र सहज बनाउँछ।
त्यसैगरी यो एक्टिभ लाइफस्टाइलका लागि उपयोगी छ। ३०० वाटको यो पर्सनल स्पोर्ट्स ब्लेन्डर विशेष गरी फिटनेस रुचाउने र व्यस्त जीवनशैली हुनेहरूका लागि हो। यसमा रहेको ५०० एमएलको ट्राइटन बोटलमै स्मुदी बनाएर सिधै अफिस वा जिम लैजान सकिन्छ।
परिवारका लागि त यो निकै उपयोगी रहेको कम्पनीको दाबी छ। ७०० वाटको हाई-स्पिड मोटर र १.७ लिटरको सुरक्षित ग्लास जार भएको यो ब्लेन्डरले एकैपटकमा पूरै परिवारका लागि चिसो पेय तयार गर्छ।
सीजी इलेक्ट्रोनिक्सले देशभरका २८ वटा अत्याधुनिक सिजी डिजिटल र एलजी ब्रान्ड शप शोरुमहरू, विस्तृत आधिकारिक बिक्रेता सञ्जाल र अनलाइनमार्फत यी उपकरणहरू सुलभ तरिकाले उपलब्ध गराएको छ।
ब्ल्याक+डेकरका यी उत्पादनहरूमा २४ महिना (२ वर्ष) को विस्तृत वारेन्टी रहेको छ। सीजी इलेक्ट्रोनिक्सको देशव्यापी सर्भिस नेटवर्कले बिक्रीपछिको सेवा समेत सुनिश्चित गर्ने कम्पनीको भनाइ छ।
प्रतिक्रिया