सपोर्ट लघुवित्तका सेयरधनीलाई साढे १४ प्रतिशत लाभांश दिने प्रस्ताव

सपोर्ट लघुवित्तले सेयरधनीलाई १४.५० प्रतिशत लाभांश बाँड्ने प्रस्ताव गरेको छ। 

लघुवित्तको आइतबार बसेको सञ्चालक समिति बैठकले उक्त प्रस्तावसम्बन्धी निर्णय गरेको हो। 

आर्थिक वर्ष २०८०÷०८१ को वितरणयोग्य मुनाफाबाट सेयरधनीलाई चुक्ता पुँजी १० करोड ७६ लाख १८ हजार ९ सय ४० रुपैयाँको १३.७७५ प्रतिशत बोनस सेयर र त्यसको कर प्रयोजनार्थ ०.७२५ प्रतिशत नगद लाभांश दिने प्रस्ताव गरिएको छ। 

यसअनुसार लघुवित्तले कुल १ करोड ५६ लाख ४ हजार ४६ रुपैयाँ कुल लाभांश वितरण गर्नेछ। 

सेयरधनीले उक्त प्रस्ताव नेपाल राष्ट्र बैंकबाट स्वीकृत भएर लघुवित्तको आगामी वार्षिक साधारणसभाले पारित गरेपछि लाभांश पाउनेछन्।