युनिकोड
नेपालका लागि सुजुकी ब्रान्डका चारपांग्रे सवारी साधनका आधिकारिक वितरक सीजी मोटोकर्पले नाडा अटो सो २०८१ मा एपिक न्यु स्विफ्ट सार्वजनिक गर्ने भएको छ।
सीजी मोटोकर्पका अनुसार गाडी पहिलो दिनदेखि नै अटो सोमा ग्राहकहरूको लागि प्रदर्शनीमा राखिनेछ। मूल्यको जानकारी सोही बेला गराउने कम्पनीको तयारी छ।
स्विफ्ट नेपाली बजारमा सन् २००५ मा लन्च भएको थियो। यसको स्पोर्टी लुक्स, शक्तिशाली इन्जिन, प्रशस्त क्याबिन स्पेस र ड्राइभर–मैत्री ह्यान्डलिङका कारण ग्राहकले निकै रुचाएको कम्पनीले जनाएको छ।
‘नयाँ एपिक स्विफ्टको नयाँ जेड–सिरिज इन्जिन आधुनिक पावरट्रेन हो जसले पर्फमेन्स र सस्टेनिबिलिटीको नयाँ आयाम ल्याउँछ, जसले यसलाई आफ्नो सेग्मेन्टमा सबैभन्दा उत्तम ह्याचब्याक बनाउँछ’, कम्पनीले भनेको छ, ‘एपिक नयाँ स्विफ्टमा थुप्रै नयाँ युगका प्रविधि र फिचरहरु समावेश छन्।’
नयाँ स्विफ्टमा आकर्षक एक्सटेरियर, आरामदायी क्याबिन, आधुनिक सेफ्टी सिस्टम, रमाइलो ड्राइभिङ अनुभव र उन्नत प्रविधिको संयोजन छ।
यसमा प्रयोग गरिएको नयाँ र्यापअराउन्ड क्यारेक्टर लाइनले स्विफ्टलाई अझै स्पोर्टी र स्टाइलिस बनाएको छ। क्याबिनमा ‘सेन्टर फ्लोटिङ डिजाइन’सहितको नयाँ लेआउट छ। जसले प्रिमियम फिल र आरामदायी ड्राइभिङ अनुभव प्रदान गर्ने कम्पनीको दाबी छ।
कम्पनीका अनुसार स्विफ्टको सिगनेचर सिल्हाउटलाई कायम राख्दै नयाँ स्विफ्टमा कmयपथ एलईडी प्रोजेक्टर हेडलाइटहरू र बुमर्याङ एलईडी डीआरएल, कालो फ्रन्ट ग्रिल, एलईडी फ्रन्ट फग लाइट, सिगनेचर एलईडी रियर ल्याम्प्स र ३८.१० सेन्टिमिटर (१५ इन्च) टू–टोन एलोय ह्विल्सले स्विफ्टको लुक्स अझै फ्युचरिस्टिक बनाएको छ।
ड्राइभर ओरिएन्टेड ड्यासबोर्ड ८–डिग्रीको झुकावले ड्राइभर र कारको बीचमा मेल उत्पन्न गर्छ भने २२.८६ से.मी. (९ इन्च) स्मार्टप्ले प्रो+ इन्फोटेन्मेन्ट सिस्टम, पछाडिको सीट यात्रुहरूको लागि छिटो चार्ज गर्ने ए र सी प्रकारको यूएसबी पोर्ट, पछाडिको एसी भेन्ट्स, क्रूज कन्ट्रोल, ६०ः४० पछाडिको सीटर कीलेस इन्ट्रीले सबै यात्रुहरूको लागि सहजता र सुविधा सुनिश्चित गर्छ।
ड्राइभर र यात्रुहरूको सुरक्षालाई बिशेष ध्यानमा राखी न्यू स्विफ्टमा विभिन्न एक्टिभ र प्यासिभ सेफ्टी फिचरहरु समावेश गरेको छ। स्ट्यान्डर्ड सुरक्षा सुविधाहरू जुन सबै भेरियन्टमा ६ वटा एयरब्यागहरू, इलेक्ट्रोनिक स्टेबिलिटी प्रोग्राम प्लस (ईएसपीआर), हिल होल्ड असिस्ट, एन्टी–लक ब्रेकिङ सिस्टम (एबीएस) सँग इलेक्ट्रोनिक ब्रेकफोर्स डिस्ट्रिब्युसन (ईबीडी) र ब्रेक असिस्ट, ३–प्वाइन्ट सीटबेल्टहरू सबै सिटहरूमा रिमाइन्डरसहित समावेश छन् जुन सबै भेरियन्टमा उपलब्ध हुनेछन् , यसले विभिन्न अवस्थामा सम्पूर्ण सुरक्षा र स्ताबिलिटी प्रदान गर्नेछ। यसबाहेक, यो प्रीमियम ह्याचब्याकमा थप सहजताको लागि वाइड भ्यूसहितको रिभर्स क्यामेरा पनि समावेश गरिएको छ।
‘सुजुकीले स्विफ्टमा पहिलो पटक आफ्नो नयाँ जेड–सिरिज इन्जिनको प्रयोग गरेको छ। यो अत्याधुनिक इन्जिन पावरफूल मात्र नभई यसले सेग्मेन्टमा सबैभन्दा धेरै २५.७५ कि.मि/लिसम्मको माइलेज प्रदान गर्नेछ जुन पुरानो स्विफ्टभन्दा १४ प्रतिशतले ज्यादा हुन्छ। यसको लो इन्ड टर्क र राम्रो एक्सिलरेसनले नेपाली सहरी ड्राइभिङ कन्डिसनमा चलाउन सजिलो हुनेछ’, कम्पनीले भनेको छ।
प्रतिक्रिया