युनिकोड
कार कम्पनी होन्डाले नेपालमा सञ्चालित आफ्ना सयौँ कारमा एयर ब्याग परिवर्तन आवश्यक भएकाले कम्पनीमा सम्पर्क राख्न ग्राहकलाई आग्रह गरेको छ।
कम्पनीले नेपालमा गुडिरहेका ७ सय कारमा एयरब्याग परिवर्तन गर्नलागेको हो।
नेपालमा होन्डा कारको आधिकारिक वितरक स्याकार ट्रेडिङ कम्पनीले होन्डाका निश्चित मोडलहरूमा एयरब्यागहरू परिवर्तन गर्न लागेको जनाएको छ।
सन् २००१ र २०१४ को बीचमा नेपालमा बिक्री भएका सिटी, सिभिक, सीआरभी, ज्याज, इनसाइट, स्ट्रिम र एकर्ड कारहरूको टकाटा एयरब्यागहरू फिर्ता गरिने कम्पनीले जनाएको छ।
यी मोडलहरूमा एयरब्यागहरू निःशुल्क परिवर्तन गरिने होन्डा कारका सर्भिस म्यानेजर बिनम श्रेष्ठले बताए।
प्रतिक्रिया