नेपालमा मोटर/मोटरसाइक्लिङ स्पोर्टस, अटोमोबाइल मोबिलिटी तथा ड्राइभ टुरिजम र सडक सुरक्षा क्षेत्रमा सक्रिय नेपाल अटोमोबाइल्स एसोसिएसन (नासा) नेपाल र रेडियो काठमाडौं बीच रेडियो कार्यक्रम ‘सेभ ड्राइभ, सेभ लाईफ’ प्रसारण गर्ने सम्झौता भएको छ।
रेडियो काठमाडौं ९२.१ मा प्रसारण हुने सो कार्यक्रम हरेक आईतबार साँझ साढे ६ बजे देखि आधा घण्टाको हुनेछ र आगामी आईतबारबाट ५२ हप्तासम्म चल्नेछ।
फेडरेसन इन्टरनेसनल डेल अटोमोबाइल (एफआईए)को सहयोगमा संचालन हुने उक्त कार्यक्रममा सवारी दुर्घटना र रोकथाम, सुरक्षित मोटरसाइकल राइडिङ्ग र सुरक्षित हेल्मेटको आवश्यकता, सार्वजनिक यातायात र अटोमोबाइलका राष्ट्रिय÷अन्र्तराष्ट्रिय विषयमा प्रकाश पारिनेछ।
आजै रेडियो काठमाडौंका बिजनेश हेड चन्द्रमणी गौतम र एफआईए वर्लड काउन्सिल सदस्य गोविन्द भट्टराईबीच सो कार्यक्रमसम्बन्धी सम्झौता आदानप्रदान गरिएको नासाले जनाएको छ।
कार्यक्रम रेडियो काठमाडौंका अलावा नासा नेपाल र रेडियो काठमाडौंका फेसबुक पेजबाट समेत सुन्न सकिनेछ।
Shares
प्रतिक्रिया