कोभिडपछिको आर्थिक पुनरुत्थानमा आसियानले डिजिटल इन्टिग्रेसनको गति बढाउँदै

कोभिड–१९ महामारीको पृष्ठभूमिमा इन्डोनेसियाको विदेश नीति समुदाय (एफपीसीआई)ले हुवावेको सहकार्यमा नीति निर्माणकर्ता, शिक्षाविद् र उद्योग विशेषज्ञहरुमाझ डिजिटाइज आसियानको लागि डिजिटल कनेक्टिविटी, चुनौति र सम्भावितताको अवस्थाको बारेमा अन्तर्क्रिया गरेको छ।

कोभिड–१९ युगमा क्षेत्रीय सुधारलाई प्रोत्साहित गर्न आसियानले आफ्नो डिजिटल इन्टिग्रेसनको गति बढाउनुपर्छ जसले २०२५ सम्ममा जीडीपीमा १ खर्ब अमेरिकी डलरको उत्थान गर्ने सम्भावना रहेको आसियान इकोनोमिक समुदायका उपमहासचिव डा. अलादीन डी. रिल्लाले बिहीबार उक्त अनलाइन प्यानलमा बताए।

‘म डिजिटल कनेक्टिभिटी र रूपान्तरणलाई महत्वपूर्ण प्राथमिकता र क्रस–कटिंग मुद्दाहरूको रूपमा हेर्छु जसले अर्थव्यवस्थाको हरेक क्षेत्रलाई असर गर्दछ । त्यसकारण, यसलाई बहु–स्टेकहोल्डर दृष्टिकोण वा प्रतिक्रिया आवश्यक पर्दछ र यसका लागि निजी क्षेत्र लगायत ह्वावे जस्ता स्टेकहोल्डरको सहभागिता पनि आवश्यक छ’, अलादिन डी. रिल्लोले भने।

उनले आसियानका धेरै प्राथमिकताहरूलाई सम्बोधन गर्न र डिजिटल रूपान्तरण चलिरहने सुनिश्चितताका लागि देश, शिक्षाविद् तथा निजी क्षेत्र जस्तै ह्वावे कम्पनीका सबै स्टेकहोल्डरको योगदान आवश्यक रहेको बताए। यसमा डिजिटल सीप सुधार गर्ने, डिजिटल डाटा शासन व्यवस्था प्रवर्धन गर्ने र साइबर सुरक्षा लाई सुदृढ पार्ने काम समावेश छ। यो दुई सम्भावनाहरूमार्फत डाटाको प्रयोगले नीतिहरू मार्गदर्शन गर्नु र सार्वजनिक सेवा पु¥याउनु र दोस्रो लचिलोपन प्राप्त गर्नको लागि डिजिटल सोलुसनहरू प्रदान गर्न सकिने उनको भनाइ थियो।

कोभिड–१९ महामारीको क्रममा आईसीटीले कोरोनाभाइरसविरूद्ध लडाइमा मुख्य भूमिका खेल्दै आएको छ र यसको प्रतिकूल प्रभावहरू कम गर्न मद्दत गर्दै छ। आसियान क्षेत्रमा उद्योगहरूले अधिक विश्वास गर्न थालेका छन् कि महामारी पश्चातको रिकभरीलाई गति दिनको लागि आईसीटी एक प्रमुख कारक हुने अन्तर्क्रियामा सहभागीले बताए। डिजिटल प्रविधिको प्रयोग व्यवसाय, सरकार र ६५० करोड जनसंख्याको समाजलाई अघि बढाउन डिजिटल रूपान्तरणले आसियान देशका सदस्यहरूबीचको सम्पर्कलाई मजबुत बनाउने वक्ताहरुको भनाइ छ।

एफपीसीआईका संस्थापक र अध्यक्ष डा. डिनो पट्टी जालालले महामारीले विश्वलाई असर पार्दै गर्दा डिजिटल कनेक्टिभिटी अझ सान्दर्भिक हुँदै गएको बताए। उनले अनुसन्धानले मजबुत कनेक्टिभिटी पूर्वाधार भएका देशहरूले यसको प्रकोपबाट हुने नकारात्मक आर्थिक असरलाई आधासम्म कम गर्न सक्ने देखाएको बताए।

‘डिजिटल रुपान्तरणको सन्दर्भमा हामीसँग थप डिजिटल साक्षरता, डिजिटल पहुँच र डिजिटल पूर्वाधार हुनु आवश्यक छ। यदि हामीले यी चीजहरू पायौंं भने हामी वास्तवमा शिक्षाको मुक्ति प्राप्तिको लक्ष्य प्राप्त गर्न सक्छौं’, एफपीसीआईका अध्यक्षले भने, ‘सबैभन्दा महत्वपूर्ण कुरा त १० आसियान देशहरूबीचको नियमनको तालमेल हो। हामीले आसियानलाई डिजिटलाइज गर्ने जुनसुकै लक्ष्य भए पनि मुख्य चुनौती नियममा नै रहनेछ । एकपटक हामीले यसलाई सुल्झाउनेबित्तिकै ठूलै प्रगति गर्न सकिन्छ।’

हुवावे एसिया प्यासिफिक उपाध्यक्ष जे चेनले ज्ञान, प्रविधि र डाटाको उपयोग गर्दा डिजिटल एकीकरणले क्षेत्रीय अर्थतन्त्र वृद्धि गर्न आसियान सदस्य देशहरूको प्रयासलाई समन्वय गर्न मद्दत पु¥याउँछ र आसियानको लागि नयाँ ग्लोबल डिजिटल अर्थव्यवस्थामा एक सही र स्वायत्त आर्थिक शक्तिलाई आफ्नो स्थान अझ सुदृढ पार्न ढोका खोलिदिने विश्वास व्यक्त गरे।

‘सूचना र सञ्चार प्रविधि पूर्वाधार र स्मार्ट उपकरणहरूको एक अग्रणी वैश्विक प्रदायकको रूपमा ह्वावे क्षेत्रीय डिजिटल रूपान्तरण र एकीकरणको पहलमा आसियानलाई सहयोग गर्न हाम्रा वैश्विक साझेदारहरूसँग काम गर्न समर्पित छ’, जे चेनले भने।

‘अधिक डिजिटलाइज्ड आसियानतर्फः महामारीको समयमा प्रवाह, अवसर, र चुनौतीहरूको परिवर्तन’ थिममा प्यानलमा यस क्षेत्रका उच्चस्तरीय व्यक्तित्वहरु डा. रिजाल अफंदी लुकमान, अन्तर्राष्ट्रिय आर्थिक सहयोगका उपमन्त्री, आर्थिक मामिलासम्बन्धी इन्डोनेसियाली समन्वय मन्त्रालय, ओडो मनुहुतु, पर्यटन र रचनात्मक अर्थतन्त्रका उप समन्वय मन्त्री, समुद्री र लगानी मामिलाका लागि इन्डोनेसियाली समन्वय मन्त्री, डा. जयंत मेनन क्षेत्रीय आर्थिक अध्ययन कार्यक्रम आईएसईएसको भिजिटिङ सिनियर फेलो–युसुफ इशाक संस्थान सिंगापुर र एडीबी का पूर्व प्रमुख अर्थशास्त्री, र ह्वावेको सार्वजनिक र सरकारी मामिला डिजिटल रूपान्तरणका प्रिंसिपल साम चेङ्ग किङ्जुनको अनलाइन उपस्थिति थियो।