यामाहाले एफजेटएस भी३ को डिलक्स मोडल सार्वजनिक गरेको छ।
यामाहाको आधिकारिक विक्रेता एमएडब्लु इन्टरप्राइजेजले एफजेट एस एफआई भी३ संस्करण सार्वजनिक गरेको हो।
नयाँ ब्याकलाइट डिजाइनमा रहेको मोटरसाइकल स्टाइलिस देखिन्छ। एफआई भी३ ह्यान्डलिङ र मस्कुल डिजाइनका लागि परिचित छ।
१४९ सिसीसहितको यामाहाको उत्कृष्ट टेक्नोलोजीमा निर्मित मोटरसाइकल हो। बाइकमा दुई भल्भ, एकल सिलिन्डरमा रहेको छ।
डुअल डिस्क ब्रेक र अगाडी एकल च्यानल एबीएसले सुसज्जित छ। एमएडब्लु इन्टरप्राइजेज दुईपांग्रेका सिइओ राजु क्षेत्रले एफजेट एस भी३ धेरै मोटरसाइकल प्रेमीहरुको मनमा बस्न सफल मोडल भएको बताए।
नयाँ रङका विकल्पहरु, नेभी ब्लू र मेटालिक ग्रे तथा राइडिङको अनुभव बढाउने रोमाञ्चक अपडेटहरु सहतिको नयाँ भेरियन्ट सार्वजनिक गर्न पाउँदा हर्षित भएको बताए। यामाहाले आफ्नो नक्सालको शोरुममा मोटरसाइकल सार्वजनिक गरेको छ।
नयाँ डिलक्स संस्करणले यामाहाको स्पोर्टनिक्स, स्टाइल र उत्साहका विशेषताहरुलाई झल्काउने छ। नेपालमा एफजेट सिरिज २००८ देखी नेपाली बजारमा बलियो पकड जमाएको छ।
मोटरसाइकलको मुल्य ४ लाख ५ हजार रुपैयाँ तोकिएको छ।
Shares
प्रतिक्रिया