युनिकोड
सरकारले बजेटमा उल्लेख भएभन्दा भिन्न तलबमान सार्वजनिक गरेपछि कर्मचारी संगठन आन्दोलित भएका छन्।
अर्थ मन्त्रालयले बजेटमा भएभन्दा फरक तलबमान सार्वजनिक गरेको भन्दै नायब सुब्बा र त्यसभन्दा तल्लो तहका कर्मचारीहरुले सिंहदरबारस्थित अर्थ मन्त्रालयअगाडि ११ बजेदेखि धर्ना थालेका हुन्।
खासगरी अधिकृत स्तरभन्दा तलका सरकारी कर्मचारी आन्दोलित भएका छन्। नेपाल निजामती कर्मचारी संगठनले यसअघि विज्ञप्ति जारी गरी मन्त्रालयको नयाँ तलबमानमा असन्तुष्टि पोखेको थियो।
संगठनले सोमबार प्रेस विज्ञप्ति जारी गरी अर्थ मन्त्रालयको छाप र जिम्मेवार अधिकारीको दस्तखतसहितको राष्ट्रसेवक कर्मचारीहरूको नयाँ र फरक-फरक तलबमान उल्लेख भएबाट आम राष्ट्रसेवक कर्मचारीहरूमा अन्योल बढाएको जनाएको छ।
अर्थ मन्त्रालयका राजस्व सचिवको दस्तखत रहेको तलबमानमा उल्लिखित राजपत्रांकित पदहरूमा गरिएको तलब वृद्धिको समान अनुपातमा (प्रतिशतमा) र आधारमा राजपत्र अनंकित तथा श्रेणीविहीन कर्मचारीहरूको तलब वृद्धि गर्न नेपाल सरकार अर्थ मन्त्रालयसँग संगठनले माग गरेको छ।
तस्बिरहरु : सन्तोष घिमिरे
प्रतिक्रिया