बढ्यो सुनको भाउ, चाँदी तोलामा १५ रुपैयाँ घट्यो

नेपाली बजारमा मंगलबार सुनको भाउ बढेको छ।

नेपाल सुनचाँदी व्यवसायी महासंघका अनुसार सोमबारको तुलनामा सुनको भाउ प्रतितोला ५ सय रुपैयाँले बढेको हो।

यससँगै छापावाल सुन प्रतितोला ९४ हजार रुपैयाँमा पुगेको छ। 

तेजावी सुनको भाउ पनि ९३ हजार ५ सय रुपैयाँमा पुगेको छ।

चाँदीको भने मंगलबार तोलाको १५ रुपैयाँले घटेको छ। चाँदी प्रतितोला १३ सय रुपैयाँमा कारोबार भइरहेको छ।