बागमती


काठमाडौँमा रातिदेखि वर्षा, अझै कति समय पानी पर्ला?

काठमाडौँमा रातिदेखि वर्षा, अझै कति समय पानी पर्ला?

फाइल तस्बिर : काठमाडौं


नेपालखबर
चैत १०, २०८० शनिबार ७:४५, काठमाडौँ

देशभरसँगै काठमाडौँ उपत्यकामा पनि मौसम बदली (आकाशमा बादल) र वर्षा भइरहेको छ।

मौसम पूर्वानुमान महाशाखाका मौसमविद् गोविन्द झाका अनुसार काठमाडौँ उपत्यकामा बिहान ६:४५ बजेदेखि ठाउँठाउँमा हल्का वर्षा भइरहेको हो। 

‘राति पनि ११:४५ बजेदेखि २ घण्टाजति पानी परेको थियो’, उनले भने, ‘बीचमा रोकिएर फेरि बिहान ६:४५ देखि पानी पर्न थालेको हो।’

मौसमविद् झाका अनुसार दिउँसो २/३ बजेसम्म यही क्रम जारी रहने देखिएको छ।

‘त्यसपछि बिस्तारै मौसम सुध्रिँदै जाने सम्भावना देखिएको छ’, उनले भने, ‘तर काठमाडौँ उपत्यकामा आज बीचबीचमा मौसम खुल्न खोजे पनि पनि घाम लाग्ने सम्भावना निकै कम छ।’

यसैबीच आज काठमाडौँ उपत्यकाको न्यूनतम तापक्रम १२.२ डिग्री सेल्सियस देखिएको जानकारी पनि मौसमविद् झाले दिए।

‘उपत्यकको अधिकतम तापक्रमचाहिँ आज २१ देखि २३ डिग्री सेल्सियससम्म पुग्ने अनुमान छ’, उनले भने।   

यो पनि : देशका धेरै ठाउँमा मेघगर्जन र चट्याङसहित वर्षा हुँदै, दिनभर कस्तो रहला मौसम?

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:[email protected]
News:[email protected]

विज्ञापनका लागि सम्पर्क


+977 9851081116
[email protected]
Copyright © 2021 Nepalkhabar. All Rights Reserved. Designed byCurves n' Colors. Powered by .