क्रिकेट विश्वकप २०१९ मा जारी भारत र पाकिस्तानबीचको खेल वर्षाका कारण अवरुद्ध बनेको छ।
टस हारेर ब्याटिङको निम्तो पाएको भारतले ४६.४ ओभरमा ४ विकेट गुमाएर ३ सय ५ रन बनाएको स्थितिमा खेल वर्षाले रोकिएको हो।
खेल रोकिदा क्रिजमा भारतका कप्तान विराट कोहली नटआउट ७१ रन बनाएर खेलिरहेका छन् भने भर्खरै क्रिजमा आएका विजय शंकर ३ रनमा नटआउट छन्।
त्यसअघि रोहित शर्माको शतक र केएल राहुलको अर्धशतकमा भारत ठूलो लक्ष्यतर्फ अघि बढेको थियो। रोहितले ११३ बलमा १४ चौका र ३ छक्कासहित १ सय ४० रन जोडे।
यस्तै केएल राहुलले ७८ बलमा ५७ रन जोड्दा ३ चौका र २ छक्का प्रहार गरे। त्यसबाहेक हार्दिक पाण्ड्या २६ र एमएस धोनी १ रनमा आउट भए।
पाकिस्तानका मोहम्मद आमिरले २ तथा हसन अली र वाइब रइजले एक एक विकेट लिए।
प्रतिक्रिया