युनिकोड
पहिलो सेमिफाइनलको खेल नेपाली समयअनुसार आजराति १२ बजेर ४५ मिनेटमा सुरु हुनेछ।
आजका विजेता लिगको फाइनलमा पुग्नेछन्। विजेताले लियोन र बार्यन म्युनिखबीचका विजेतासँग उपाधिको लागि प्रतिस्पर्धा गर्नेछ।
बुधबार राति १२ बजेर ४५ मिनेटमा लियोन र बार्यनबीच खेल हुनेछ।
जर्मन क्लब लिपजिगले गत बिहीबार एथ्लेटिको मड्रिडलाई पराजित गर्दै सेमिफाइनलमा स्थान बनाएको थियो भने पीएसजीले सेमिफाइनलमा पुग्न एटलान्टालाई पराजित गरेको थियो।
लिपजिग र पीएसजीले हालसम्म पनि च्याम्पियन्स लिगको उपाधि जित्न सकेको छैन। त्यसैले यी दुवै टोलीले एकअर्काविरुद्ध फाइनल प्रवेशका लागि कडा टक्कर दिने अनुमान गरिएको छ।
पीएसजी सन् १९९५ पछि पहिलो पटक च्याम्पियन्स लिगको सेमिफाइनलमा पुगेको हो भने लिपजिगले च्याम्पियनस लिगमा दोस्रोपटक सहभागिता जनाएको हो। लिपजिगले पहिलोपटक सेमिफाइलन खेल्न लागेको हो।
प्रतिक्रिया