युनिकोड
नेपाल क्रिकेट संघ (क्यान)ले नेपाली क्रिकेट प्रशंसकहरुलाई खेल मैदानमा प्रवेश नगरिदिन आग्रह गरेको छ।
सामाजिक सञ्जालमा सन्देश जारी गर्दै क्यानले सो आग्रह गरेको हो।
आईसीसी पुरुष विश्वकप लिग २ अन्तर्गत गत मंगलबार राति स्कटल्यान्डविरुद्धको जितपछि त्यहाँ उपस्थित नेपाली फ्यान मैदानमा छिरेर विजयोत्सव मनाएका थिए।
प्रशंसकहरुको समर्थनले नेपाली क्रिकेटलाई ऊर्जा दिँदै आएको बताउँदै क्यानले सबैको सुरक्षा र अन्तर्राष्ट्रिय खेल नियमलाई ध्यान दिनुपर्ने भएकाले क्यानले समर्थकलाई खेल हुने क्षेत्रमा खेल भइरहँदा वा सकिएपछि नजान आग्रह गरेको जनाएको छ।
नेपालले आजै स्कटल्यान्डमा जारी लिग २ अन्तर्गत दोस्रो एकदिवसीय खेल नेदरल्यान्ड्सविरुद्ध खेल्दै छ। पौने ४ बजे हुने खेल डन्डीस्थित फोर्थहिलमा हुनेछ।
प्रतिक्रिया