युनिकोड
चितवन राइनोजविरुद्ध अहिले भइरहेको खेलमा पोखरा एभेन्जर्सले नेपाल प्रिमियर लिगमा खराब प्रदर्शन गरेको छ।
पोखराले ११ ओभर खेल्दा ८ विकेट गुमाइसकेको छ।
कप्तान कुशल भुर्तेल गोल्डेन डकआउट भएको खेलमा दिनेश खरेल १ रनमै एलबीडब्लु धरापमा परे। त्यस्तै दिलिप नाथ ४ रनमा आउट हुँदा बास डि लिड पनि शून्य रनमा पवेलियन फर्किए। किरण ठगुन्नाले पनि १ रन जोडेर बाहिरिँदा रेमन रिफर पनि १ रनमै आउट भए।
माइकेल लिस्क शून्य रनमा आउट हुँदासम्म पोखराले ७ विकेट गुमायो। त्यसपछि बल्ल लय समाउन लागेको पोखराका मार्कस क्रिचले १७ रनमा एलबीडब्लु धरापमा परे।
अहिले नारायण जोशी १५ रनमा नटआउट छन्। अब पोखराका सागर ढकाल र बिपिन खत्रीको विकेट मात्र बाँकी छ।
पोखरालाई सस्तोमा समेट्न सोहेल तनविरले ६ रन मात्र खर्चेर ३ ओभरमा ३ विकेट लिए भने रिजन ढकालले पनि १० रन खर्चिएर ३ ओभरमा ३ विकेट नै लिएका छन्। यसबाहेक चितवनका ल्युक बेन्केन्स्टाइनले २ विकेट झारेका छन्।
प्रतिक्रिया