युनिकोड
एल क्लासिको लेजेन्ड प्रतियोगिता अर्थात् फुटबल क्लब बार्सिलोना र रियल मड्रिडका पूर्व भेटेरान खेलाडीहरुबीचको फुटबल प्रतियोगितामा बार्सा रियलसँग पराजित भएको छ।
रियलका भेटेरानले बार्साका भेटेरानमाथि ३–२ को जित निकालेको हो।
मंगलबार राति सम्पन्न खेलमा बार्साका तर्फबाट रोनाल्डिन्हो, रिभाल्डो, गिजाका मेन्दिता र डेकोजस्ता खेलाडी मैदान उत्रिएका थिए।
उता मड्रिडबाट रोवर्टो कार्लोस, लुइस फिगो, इभान क्याम्पो, अलफोन्सो पेरेज र पेड्रो मुनितिसजस्ता खेलाडी उपस्थित थिए।
इजराएलको तेल अभिभ–याफोको ब्लुमफिल्डमा भएको खेलमा २६ हजार दर्शक उपस्थित थिए। खेल ८० मिनेट खेलाइएको थियो।
रोनाल्डिन्होको पेनाल्टी गोलबाट बार्साले १९ औं मिनेटमा सुरुवाती अग्रता लिएको थियो। यद्यपी मड्रिडले खेलमा गोल फर्काउँदै ३–२ को जित हात पारेको हो।
(भिडिओ)
प्रतिक्रिया