जाजरकोटमा युवकको शव फेला, स्थानीयले पारे सडक अवरुद्ध

जाजरकोटको शिवालय गाउँपालिका-१ नजिकै युवकको शव फेला परेको छ। शनिबार बिहान अन्दाजी २२ वर्षीय युवकको शव फेला परेको प्रहरीले जनाएको छ। 

जिल्ला प्रहरी कार्यालय जाजरकोटका अनुसार शनिबार बिहान भेटिएको शव जाजरकोटकै छेडागाड नगरपालिका १२ का राजु सिंहको हो। 

जाजरकोटका प्रहरी प्रमुख डीएसपी पुरुषोत्तमप्रसाद पाण्डेले भेटिएको शवमा केही चोट देखिएको बताए। उनले भने, ‘भेटिएको शवमा केही चोट देखिएको छ। स्थानीयका कारण शव उठेको छैन्। मृत्युको कारण चाँही पोष्टर्माटम रिर्पोटपछि थाहा होला।’

शव भेटिएपछि स्थानीयले बिहानैदेखि शिवालय गाउँपालिकादेखि छेडागाड नगरपालिका जोड्ने सडक अवरुद्ध पारेका छन्।