बीरगञ्ज प्रहरीले लागु औषध चरेश ओसार पसारमा संलग्न एक महिला र एक जना पुरुषलाई पक्राउ गरेको छ।
पक्राउ पर्नेहरुमा पर्साको छिपरमाई गाउँपालिका–५ भिष्वा बस्ने अन्दाजी वर्ष ३२ को ईम्तियाज आलम र बाराको सितलपुर घर भई हाल बिरगंज महानगरपालिका–२ छप्कैयामा डेरा गरी बस्ने अलि असरल अंसारीको श्रीमती अन्दाजी वर्ष ३०।३२ की मिना खातुन रहेका छन्।
उनीहरुको साथबाट लागु औषध चरेश ५ किलो फेला परेको प्रहरीले जनाएको छ।
बीआर २२एल ८२५५ नंको मोटरसाइकलमा चढी बीरगंजको घण्टाघरबाट भारतको रक्सौलतर्फ जाँदै गर्दा उनीहरुलाई प्रहरी चौकी ईनर्वा र
लागु औषध ब्युरो शाखा कार्यालय पर्सा बीरगंजबाट खटिएको संयुक्त प्रहरी टोलीले चेकजाँचका क्रममा फेला पारेको हो।
माेटरसाइकलसहित नियन्त्रणमा लिइ उनीहरुमाथि थप अनुसन्धान भइरहेकाे प्रहरीले जनाएकाे छ।
प्रतिक्रिया