मिर्गौला फेल हुँदा पुर्चौडी नगर कार्यपालिका सदस्यको निधन

बैतडीको पुर्चौडी नगरकार्यपालिकाको कार्यपालिका सदस्य ऐते लुहारको मृत्यु भएको छ। 

दुवै मिर्गौला फेल भएका ५५ वर्षीय लुहारको धनगढीस्थितसेती प्रादेशिक अस्पताल उपचारका क्रममा बिहीबार राति मृत्यु भएको पुर्चौडी नगरपालिका ३ का वडाध्यक्ष खगेन्द्र बोहराले जानकारी दिए।

उनी नेपाली  कांग्रेसको क्रियाशील सदस्य थिए। 
 
सदस्य लुहारको निधनमा नगरपालिकाले आज आफ्नो कार्यक्षेत्रमा शोक बिदा घोषणा गरेकाे नगर प्रमुख दीपक बहादुर बमले बताए।