धनगढीका मेयर हमालकी छोरी भारतको गोवाबाट बेपत्ता

धनगढी उपमहानगरपालिकाका मेयर गोपाल हमालकी छोरी भारतको गोवा राज्यबाट बेपत्ता भएकी छन्।

केही महिनादेखि भारतको पर्यटकीयस्थलसमेत रहेको गोवामा ओशो साधना गर्दै आएकी उनी सोमबारबाट बेपत्ता भएकी हुन्। 

हमालका अनुसार सोमबारदेखि जोरबा वाइब आस्बिन पुलबाट छोरी सम्पर्कविहीन भएकी हुन्। 

छोरी हराएको खबरपछि हमालले खोजीका लागि सहयोग मागेका छन्। छोरीकै साथीबाट उनी हराएको खबर आएकाले गोवामा हुनेहरूलाई खोजीका लागि हमाले अपील गरेका छन्। 

हमालले जेठी छोरीको खोजीका लागि कान्छी छोरी आरजु र ज्वाइँलाई मंगलबार नै राति गोवा पठाउन लागेको बताएका छन्।