काभ्रेमा टिपरको ठक्करबाट मोटरसाइकल चालकको मृत्यु भएको छ।
बनेपा नगरपालिका– ७ धनेश्वरमा बा ८४ प ६९५९ नम्बरको मोटरसाइकललाई विपरीत दिशाबाट आउँदै गरेको बा ४ ख ९९७५ नम्बरको टिपरले ठक्कर दिँदा ३९ बर्षीय सिद्धि कुमार लामाको मृत्यु भएको हो।
मंगलबार टिपरको ठक्करबाट गम्भीर घाइते भएका काभ्रेकै रोशी गाउँपालिका–८ खार्पाचोकका लामाको उपचारको क्रममा अन्नपूर्ण न्यूरो अस्पताल काठमाडौँमा बुधबार बिहान मृत्यु भएको जिल्ला प्रहरी कार्यालय काभ्रेले जनाएको छ।
शीर मेमोरीयल अस्पताल बनेपामा उपचार हुन नसकेपछि थप उपचारको लागि उनलाई गएराति न्यूरो अस्पताल ल्याएको थियो।
दुर्घटनापछि टिपर र त्यसका चालकलाई इलाका प्रहरी कार्यालय बनेपाले नियन्त्रणमा लिएको छ।
210
Shares
प्रतिक्रिया