बेलायती सांसदले नेपालमा कोभिड महामारीको संकट गहिरिँदै गएको भन्दै तत्काल सहयोग गर्न बेलायती सरकारसँग आग्रह गरेका छन्।
सांसद माइक एमेसबरीले संसदमा सो विषय उठाएपछि त्यहाँका विदेशमन्त्री डमिनिक राबले नेपाललाई थप सहयोग प्याकेज घोषणा गरेको बताएका छन्। मन्त्री राबले त्यसबारे आफूले थप विवरण उपलब्ध गराउने प्रतिबद्धता पनि व्यक्त गरे।
सांसद एमेसबरीले नेपालमा कोभिड संक्रमणको दर संसारमै सबैभन्दा उच्च रहेको हुँदा निकै गहिरो संकटमा फसेको बताए।
नेपालमा अक्सिजन, भेन्टिलेटर र भ्याक्सिनको अभावका कारण मानिसहरुले ज्यान गुमाइरहेको भनी संसदमा आवाज उठाए।
‘बेलायतले तत्काल सहयोग नगर्ने हो भने थप धेरैको ज्यान जानेछ,’ उनले संसदमा भने, ‘गतमहिना मेडिकल सल्लाहकारहरुको नेपाल भ्रमणपछि अब सरकारले थप सहयोग के गर्दैछ?’
त्यसको जवाफमा मन्त्री राबले नेपालको समस्याप्रति आफू चिन्तित रहेको र त्यसका लागि थप सहयोग घोषणा गरिएको बताए। त्यसबारे आफूले विवरण उपलब्ध गराउने उनले जानकारी गराएका छन्।
भिडिओ:
Nepal urgently needs help to fight Covid. It has the world's highest transmission rate & isn't getting vaccines fast enough
I've urged the Govt to help provide supplies of medical equipment and vaccines
Thanks to @alliance4nepuk for their work helping to tackle the virus there pic.twitter.com/X1SgPNU0Kf
यो पनिः
बेलायती प्रधानमन्त्रीको पहिलो नेपाल भ्रमण छिट्टै हुनेछः बेलायती सांसद शर्मा (भिडिओ वार्ता)
प्रतिक्रिया