युनिकोड
यही मंसिर १६ गते हुने स्थानीय तहको उपनिर्वाचनका लागि हेटौँडा- १२ को वडाध्यक्षमा प्रजातन्त्र पार्टी (राप्रपा) ले उम्मेदवारी दर्ता गराएको छ।
हेटौँडा उपमहानगरपालिका–१२ को वडाध्यक्ष पदका राप्रपाका प्रेमबहादुर भ्लोनले उम्मेदवारी दर्ता गराएका हुन्।
हेटौँडा उपमहानगरपालिका–१२ राप्रपाको बलियो पकड मानिने वडा हो।
यसअघि २०७९ वैशाखमा सम्पन्न स्थानीय तह निर्वाचनमा पनि भ्लोन यस वडाको वडाध्यक्ष उम्मेदवार बनेका थिए।
यस वडामा ८ हजार ५३ मतदाता छन्। जसमा महिला ४ हजार १७४, पुरुष ३ हजार ८७८ र अन्य १ जना मतदाता रहेको निर्वाचन अधिकृतको कार्यालयका मुख्य निर्वाचन अधिकृत अवानी मैनाली भट्टराईले जानकारी दिइन्।
प्रतिक्रिया