युनिकोड
परराष्ट्रमन्त्री नारायणप्रकाश साउदले कञ्चनपुरका आरक्षपीडितका लागि सरकारले काम गरिरहेको बताएका छन्।
कञ्चनपुरको शुक्लाफाँटा नगरपालिकामा पर्ने झलारीमा बुधवार आयोजित नेपाल दलित संघको अन्तरक्रिया कार्यक्रममा उनले यस्तो बताएका हुन्।
परराष्ट्रमन्त्री साउदले डुबानको समस्या समाधानका लागि आफूले अर्बौंको परियोजनाबाट दीर्घकालिन रुपमा नदी नियन्त्रणका लागि काम गरिरहेको पनि बताए।
नेपाली कांग्रेसका केन्द्रीय सदस्यसमेत रहेका मन्त्री साउदले आफ्नो पार्टी दैनिक जनताको सेवामा हिँडिरहेको बताए।
‘अन्य पार्टीहरुले मिसन ८४ भनिरेहका छन्, कांग्रेस पार्टीमात्रै मिसन ८०, ८१ बनाएर दैनिक जनताको सेवामा हिँडिरहेको छ’ उनले भने।
साउदले दलित समुदायलाई संविधानले संरक्षण गरेको दाबीसमेत गरे। उनले दलित समुदाय देशभर छरिएर रहेकाले वर्गीय प्रतिनिधित्व कम भएको बताए।
प्रतिक्रिया