युनिकोड
नेपाली कांग्रेसका सभापति शेरबहादुर देउवाले आफूले पार्टीलाई सहमतिको आधारमा सञ्चालन गर्न खोजेको बताएका छन्।
विराटनगर विमानस्थलमा बुधबार पत्रकारसँग कुरा गर्दै सभापति देउवाले पार्टीलाई बलियो एवं सुदृढ बनाउने विधानलाई आफूले नमिचेको स्पष्ट पारे।
सभापति देउवाले सरकारका प्रमुख प्रतिपक्ष नेपाली कांग्रेसले सभामुख र उपसभामुखमध्ये एउटा पाउनुपर्ने दावी गरे।
बहुचर्चित एमसीसी सम्झौता नेपालको हितमा रहेको भन्दै सरकारले त्यसलाई पास गर्नुपर्ने धारणा व्यक्त गरे।
उनले पार्टीको हरेक क्रियाकलापमा सहमति खोज्दै अगाडि बढिरहेको जानकारी दिँदै लामो समयदेखि नेतृत्वविहीन नेपाल विद्यार्थी संघमा छिट्टै नेतृत्व ल्याउने धारणा व्यक्त गरे। एक प्रश्नको जवाफमा सभापति देउवाले पार्टीभित्र एकता र मेलमिलाप कायम रहेको बताए। रासस
प्रतिक्रिया