युनिकोड
कपिलवस्तुको बाणगंगा नगरपालिकाको मेयरमा एमालेका चक्रपाणि अर्याल विजयी भएका छन्।
उनले १८ हजार ९९९ मत प्राप्त गरी चुनाव जितेका हुन्। कांग्रेसका रविराज आचार्यले १८ हजार ३६० मत प्राप्त गरे । दुवैबीच ६ सय ३९ मतको अन्तर छ।
उपमेयरमा एमालेकै रीता चौधरीले १९ हजार ३९८ मत ल्याई विजयी भइन्।
कांग्रेसकी तारावती थारूले १८ हजार ४६४ मत प्राप्त गरेकी छन्। वाणगंगा नगरपालिकामा एमालेले नगर प्रमुख र उपप्रमुख सहित ६ वटा वडा जितेको छ।
कांग्रेसले ४ वटा वडा र माओवादीले एउटा वडा जितेको छ। २०७४ सालको चुनावमा बाणगंगाको मेयर कांग्रेसले जितेको थियो।
प्रतिक्रिया