युनिकोड
आगामी मंसिर १४ गते हुने उपनिर्वाचनका लागि बैतडीमा प्रमुख राजनीतिक दलहरूले आफ्ना उम्मेदवार टुंगो लगाएका छन्।
सत्तारूढ नेपाल कम्युनिस्ट पार्टी (नेकपा) र नेपाली कांग्रेस दुवैले उम्मेदवारको टुंगो लगाएका हुन्।
वडाध्यक्ष रिक्त रहेका सुर्नया गाउँपालिका–१, पुर्चौडी नगरपालिका–४ र दोगडाकेदार गाउँपालिका–४ मा मंसिर १४ गते उपनिर्वाचन हुँदै छ।
नेकपाका तर्फबाट दोगडाकेदार गाउँपालिका–४ मा नरेन्द्रप्रसाद भट्ट र सुर्नया गाउँपालिका– १ मा धनबहादुर चन्द र पुर्चौडी नगरपालिका–४ मा शैलेन्द्र धानुकलाई उम्मेदवार बनाउने निर्णय भएको नेकपाका कार्यालय सचिव प्रजापति जोशीले जानकारी दिए।
यस्तै कांग्रेसले सुर्नया गाउँपालिका–१ मा गजेन्द्रबहादुर चन्द, पुर्चौडी नगरपालिका–४ मा गोविन्दबहादुर धामी र दोगडाकेदार गाउँपालिका–४ मा सुरेन्द्रप्रसाद भट्टलाई उम्मेदवार बनाउने निर्णय गरेको नेपाली कांग्रेस (बैतडी)का सचिव वीरबहादुर विष्टले बताए।
उम्मेदवार टुंगो लागेसँगै नेकपा र कांग्रेस दुवैले प्रचारप्रसारमा तीव्रता दिएका छन्। साथै साना दलहरूले पनि आफ्ना उम्मेदवार टुंगो लगाउने तयारी गरिरहेका छन्।
प्रतिक्रिया