सीलाई स्वागतका लागि सजावटमा मात्रै २० करोड खर्च

छिमेकी मुलुक चीनका राष्ट्रपति सी चिनफिङको दुई दिने राजकीय भ्रमणलाई लक्ष्य गरी सरकारले सजावटमा मात्रै २० करोड खर्च गरेको छ।

नेपाल सरकार र काठमाडौँ महानगरपालिकाको सहयोगमा राष्ट्रपति सी सवारी हुने सडकसहित छेउछाउका संरचना र फोहोर थुप्रिएका ठाउँ रंगिन ब्यानरले छोपिएको छ।

अस्तव्यस्त तीनकुने पार्कको बाहिर फू र बिरुवा रोपिएको छ। विमानस्थल–तीनकुने–वानेश्वर–माइतीघर हुँदै लाजिम्पाटसम्म सडक कालोपत्रे र सजावट गरिएको छ। यो खबर आजको कारोबार दैनिकमा छापिएको छ।

सडक आसपास निर्माणाधीन संरचनालाई विभिन्न आकृतिका रंगीन ब्यानरले ढाकिएको छ।