हङकङमा १३ मिटर अग्लो रुख दुई ट्याक्सीमा बजारियो, चालकहरु बच्न सफल

एबरडिनको मुख्य रोडमा रहेका ट्याक्सीमाथि रुख बज्रिए पनि दुई चालक बच्न सफल भएको साउथ चाइना मर्निङ पोस्टले जनाएको छ।

ती ट्याक्सी चालकहरुको उमेर ६३ र ७२ वर्ष भएको बताइएको छ। ट्राफिक लाइट रातो बलेका बेला ट्याक्सी रोकिएका थिए। सोही क्रममा रुख ढलेको थियो।

हङकङको मौसम विभागले मंगलबार बिहानै पानी पर्ने सम्भावना छ भनेर सूचना दिन रुख ढलेको हो।

सो घटनासँगै त्यहाँको सडकमा केहीबेर अवरोध भएको थियो। बिहान ११ बजे २६ मिनेटमा मात्र सडक खुला गरिएको थियो।