विरोधबीच हङकङको संसदमा राष्ट्रिय गान कानुन बहुमतले पारित

बिहीबार हङकङको संसदमा भएको मतदानमा राष्ट्रिय गान कानुनको पक्षमा ४१ मत खसेको साउथ चाइना मर्निङ पोस्टले जनाएको छ।

एक मत कानुनको विपक्षमा खसेको थियो।

संसदमा राष्ट्रिय गान विधेयक प्रस्तुत भएसँगै केही समययता हङकङमा विरोध सुरु भएको थियो। यस कानुनले चिनियाँ राष्ट्रिय गानको विरोध गर्नेलाई अपराधी करार गर्दछ।

त्यहाँका स्थानीयले यस कानुनले हङकङले पाउँदै आएको स्वतन्त्रतामा खतरा उत्पन्ने गराउने धारणा राख्दै प्रदर्शन थालेका थिए।