हङकङका यी डाक्टरले ३७०० बढी नक्कली कोभिड खोप प्रमाणपत्र बनाएका थिए?

हङकङका एक डाक्टरले कोभिड महामारीको समयमा सात महिनामा ३ हजार ७ सय भन्दा बढी कोभिड-१९ खोप छुटका प्रमाणपत्र जालसाजीपूर्वक जारी गरेकोबारे अदालतमा सुनुवाइ भएको छ।

८० वर्षीय डा. ताई कोङ-शिङलाई व्यक्तिगत लाभका लागि सामूहिक रूपमा प्रमाणपत्रहरू बनाएको आरोपमा सोमबार वानचाइ जिल्ला अदालतमा मुद्दा चलाइएको थियो।

ताईमाथि १०.९६ मिलियन हङकङ डलर (१.३९ मिलियन अमेरिकी डलर) नगद र बैंक निक्षेपहरू लुकाएको आरोप पनि लागेको छ। उनले बेइमानी मनसायले कम्प्युटरमा पहुँच पुर्‍याएको एउटा आरोप, उही अपराधका १३ वटा वैकल्पिक आरोप र मनी लाउन्ड्रिङका तीन वटा आरोप अस्वीकार गरे।

६१ वर्षीया व्यापारी क्रिसेल यङलाई पनि बेइमानीपूर्ण नियतले कम्प्युटर पहुँच गरेको आरोपमा मुद्दा चलाइएको थियो।

उनले ताईसँग बिरामीहरूको परिचय गराएकी थिइन् र उनी र उनका नर्सहरूलाई लिने परामर्श शुल्कको रकम र प्रमाणीकरण प्रक्रियालाई छिटो बनाउने तरिकाहरूको बारेमा निर्देशन दिएकी थिइन्।

यो आरोपमा सेप्टेम्बर २०२२ मा प्रहरीले छ जना डाक्टरलाई पक्राउ गरेको थियो। उनीहरूमाथि २० हजार भन्दा बढी खोप छुट प्रमाणपत्र जारी गर्दा स्वास्थ्य विभागको दिशानिर्देश पालना नगरेको आरोप थियो। एजेन्सी