हङकङ : काउलुनको आवासीय भवनमा विस्फोट, १ जना घाइते

हङकङको काउलुनमा रहेको एक भवनमा विस्फोट हुँदा एक जना घाइते भएका छन्। काउलुनस्थित ४३ पाकताइ स्ट्रिटमा रहेको आवासीय भवनको पहिलो तल्लामा विस्फोट भएको हो।

विस्फोटबाट एक व्यक्ति भुइँमा खसेको र उनलाई याउमा तेइस्थित क्विन एलिजाबेथ अस्पताल लगिएको प्रहरीलाई उद्धृत गर्दै स्थानीय सञ्चार माध्यमले जनाएका छन्।

विस्फोट सोमबार साँझ ६:४० बजे भएको हो।

४३ पाकताइ स्ट्रिटमा रहेको उक्त सात तले भवन सन् १९६० मा निर्माण भएको हो। यसका प्रत्येक तलामा तीन वटा फ्ल्याट छन्।