हङकङमा तीव्र गतिको कारको पाङ्ग्रा नै खुस्केपछि (भिडिओ)

आइतबार सामाजिक सञ्जालमा पोस्ट गरिएको एउटा भिडिओमा हङकङको हिराम्स राजमार्गमा कैद गरिएको एउटा दृश्य छ, जहाँ तीव्र गतिको कारमा ब्रेक लगाउने क्रममा आगो बल्छ र एउटा पाङ्ग्रा खुस्केर अन्तै गुड्छ। कार अगाडि चोकमा राखिएको डिभाइडरमा पुगेर ठोकिन्छ।

उक्त भिडिओ सञ्जालमा आज अपलोड गरिएको भएता पनि यो घटना हिजो (शनिबार) साँझ ६ बजेतिर घटेको थियो। उक्त दुर्घटना नामपिन वाई नजिकै भएको हो।

तीव्र गतिमा गुडिरहेको कारले नियन्त्रण गुमाउन पुग्दा सुरुमा रेलिङमा ठोक्किएपछि रोक्न खोज्दा उक्त घटना घटेको द स्ट्यान्डर्डमा उल्लेख छ।

स्ट्यान्डर्ड अगाडि लेख्छ- सञ्जालमा प्रसारित अन्य दुई क्लिपहरूमा, ठक्करपछि चालक रगताम्य देखिन्थे। कारको अगाडिबाट आगो निस्किरहेको थियो र रेलिङमा अड्किएको थियो।

यसपछि अन्य गाडीका चालकले उनलाई बाहिर निस्कन मद्दत गरेका थिए। प्रहरी घटनास्थल आइपुगेपछि ५१ वर्षीय घाइते चालकलाई उपचारार्थ चुङक्वान ओ अस्पताल लगियो।

कारमा लागेको आगो आधा घण्टाभित्र अग्नि नियन्त्रण विभागको टोलीले नियन्त्रणमा लिएको थियो।

भिडिओ-