हङकङको चुनुमुन टाइफुन सेल्टरका डुंगामा आगलागी

हङकङको चुनमुन टाइफुन सेल्टरमा आइतबार बिहान आगलागी भएको छ। आगलागीबाट कम्तीमा ४ डुंगा जलेका छन्।

प्रहरीका अनुसार बिहान करिब ६ बजे सेल्टरमा रहेका डुंगामा आगलागी भएको रिपोर्ट प्राप्त भएको थियो।

आगलागीको खबर पाएपछि घटनास्थल पुगेको अग्निनियन्त्रकको टोलीले दुई जनालाई उद्धार गरेको छ।

एउटा डुङ्गाका मालिकले आफ्नो डुङ्गामा इन्धन भर्दा अचानक आगलागी सुरु भएको स्रोतले जानकारी दियो। डुंगामा आगो बल्न थालेपछि उनी समुद्रमा हाम फालेका थिए। पछि उनलाई अग्निनियन्त्रकको टोलीले उद्धार गर्‍यो।

एउटा डुंगामा आगो बलेपछि नजिकैका अन्य डुंगामा पनि सल्केको थियो। घटनास्थलको निरीक्षणबाट अन्य तीन वटा डुङ्गा जलेको पाइएको प्रहरीले बताएको छ। (द स्ट्यान्डर्ड)