हङकङ : आवागमनै अवरुद्ध हुनेगरी सडकमा ढल्यो रुख

मंगलबार दिउँसो हङकङको चेङसा वानमा आवागमनै अवरुद्ध हुनेगरी सडकमा रुख ढलेको छ।

तीव्र हावाहुरीका कारण क्वोङली रोडको वारपार हुने गरी अग्लो रुख ढलेको हो।

रुख ढलेपछि प्रहरीले क्वोङली रोड र प्रतास स्ट्रिटबीच आवातजावतमा रोक लगाएको थियो।

ढलेको रुख सफा गर्न घटनास्थलमा अग्निनियन्त्रकको टोली खटिएको थियो। घटनामा कोही पनि घाइते नभएको प्रहरीले जनाएको छ।

हङकङ अब्जर्भेटरीका अनुसार आज दिउँसो करिब २ बजे स्टार फेरी पियरमा ८० किलोमिटर प्रतिघण्टाको गतिमा हावा चलेको थियो। (द स्ट्यान्डर्ड)