हङकङमा १ किलो कोकिनसहित युवक पक्राउ

हङकङ प्रहरीले न्यु टेरिटोरिजको एक फ्ल्याटबाट १४ लाख हङकङ डलर मूल्य बराबरको लागूऔषधसहित एक युवकलाई पक्राउ गरेको छ।

प्रहरीले बिहीबार दिएको जानकारीअनुसार २४ वर्षीय युवकलाई बुधबार ताइपोको चोङ सान रोडबाट पक्राउ गरिएको हो।

सुरुमा युवकको साथबाट २९ ग्राम क्यानाबिडियोल तेलका पाँच वटा बोतल बरामद गरेका अधिकारीहरूले पछि फ्ल्याट खानतलासी गर्ने क्रममा १ किलो कोकिन, कोकिन जस्तै देखिने ५१९ ग्राम अर्को लागूऔषधका साथै इन्डक्सन कुकर, पकाउने भाँडाकुँडा, इलेक्ट्रोनिक स्केल लगायत लागूपदार्थ बनाउन प्रयोग गरिने सामग्री समेत बरामद गरेको हो। (एजेन्सी)