हङकङमा ट्रकले भ्यानलाई ठक्कर दिँदा पैदलयात्रीसहित दुई घाइते

आइतबार बिहान साढे १० बजे मोङकोक रोड हुँदै तोङमि रोडतर्फ जाँदै गरेको भ्यानलाई पछाडिबाट आएको ट्रकले ठक्कर दिँदा पैदलयात्री सहित दुई जना घाइते भएका छन्।

दुर्घटनामा एक पुरुष र एक महिला घाइते भएका हुन्।

घाइते पुरुष पैदलयात्री हुन् भने महिला घिस्रिएर भ्यानमुनि पुगेको स्थानीय सञ्चारमाध्यमले उल्लेख गरेका छन्।

ट्रकको ठक्करबाट भ्यान फुटपाथको बारमा ठोकिन पुग्दा पैदलयात्रीलाई समेत चोट लाग्न पुगेको हो।

घटनापछि प्यारामेडिकहरूले पीडितको उद्धार गरेका थिए। उनीहरूलाई उपचारार्थ अस्पताल पठाइएको छ।